JINSI YA KUPATA UTAJIRI

Imeandaliwa na

Hassan Issa Khamis

hansb2269@gmail.com

Kila mtu anahitaji kuwa tajiri na matajiri wanahitaji kuendelea kuwa matajiri katika maisha yao, lakini ni watu wachache sana waonajua wafanye nini ili waweze kuwa matajiri. Kuwa tajiri huchukua mchanganyiko wa mambo matatu,

·         Bahati,

·         Ujuzi na

·         Uvumilivu. 

Vile vile utahitajika kujiweka kwenye mambo yanayoopelekea kupata faida, kutumia fedha unazopata kwa busara kwa kuziwekeza, kuzihifadhi, na kupunguza gharama zako za maisha. Kupata utajiri si rahisi, lakini ukiwa na uvumilivu na ujuzi wa kufanya maamuzi, ni dhahiri inawezekana.

NJIA YAKWANZA: UWEKEZAJI

1.      Weka pesa katika soko la hisa . 

Wekeza fedha zako kwenye hifadhi itakupa faida kwa kila mwaka kwenye uwekezaji (ROI). Kwa mfano, ukiwekeza milioni mbili katika taasisi yenye riba 7%, utapata faida ya 140,000. Maelezo kuhusu soko la hisa bonyeza linki hapo chini.

https://www.dse.co.tz/

2.      Usiekeze biashara ya muda mrefu. 

Watu wengine wanajihusisha katika biashara yenye faida ya haraka, ambapo mwisho wa siku biashara ushindwa kuendelea, kuishia kudaiwa fedha na taasisi za fedha au watu pamoja na kuweka rehani mali zao. Watu wanapenda kufanya biashara ya muda mfupi kwa kuuza haraka na kupata faida kwa haraka. Biashara ya muda mfupi au yenye faida ya haraka ni  kama kamari.  Badala yake, jifunze kuwekeza kwa muda mrefu. Chagua biashara nzuri, weka msingi thabiti katika hiyo biashara. Hepuka marafiki wanaokuambia biashara Fulani inalipa alafu wao hawaifanyi, fanya biashara ambayo wewe unaipenda.

3.      Nunua hisa.

Watu wengi hawana elimu ya kutosha katika soko la hisa. Ukinunua hiza katika makampuni au taasisi, hisa zako zitakua na kuleta faida baadae. Kwa mfano Airtel wamekubali kuuza hisa zake nchini ni moja ya fursa ya kuchangamkia. Kuapata taarifa zaidi tembelea tofutti ya soko la hiza Tanzania.

4.      Hifadhi pesa au mali kwa ajili ya kustaafu/uzeeni. 

Takwimu zinaonesha  kwamba watu wachache wanahifadhi pesa za kutosha kwa ajili ya kustaafu au maisha ya uzeeni. Ila wengine wanahisi kuwa hawawezi kamwe kustaafu au kuzeeka.kipindi ambacho bado una nguvu za kutosha wekeza katika kuandaa maisha yako ya baadae ili usije ukawa mzee masikini. Unaweza kufanya yafuatayo:-

i)                    Kusomesha watoto

ii)                  Kujenga nyumba imara

iii)                Kununua maeneo yanauzwa kwa bei nafuu.

iv)                Kuhifadhi pesa benki.

v)                  Kufungua biashara endelevu. nk

5.      Wekeza katika mali isiyohamishika . 

Mali isiyohamishika kama nyumba ya kupangisha au kiwanja katika eneo linalo kuwa kwa kasi ni njia nzuri ya kujenga utajiri.  Watu wengi, hata hivyo, wamefanya vizuri sana katika uwekezaji katika mali isiyohamishika. 

6.      Wekeza muda wako. 

Kwa mfano, unapokuwa na  na muda wa bure, tenga saa chache kufanya kitu. Lakini ukiamua kuwa tajiri fanya kazi hadi saa 15 kwa siku.  

7.      Epuka ununuzi wa vitu vinavyopungua dhamani kwa kasi . 

Kutumia 15,000,000 kwenye gari wakati mwingine ni upotezaji wa fedha, kwa sababu inawezekana baada tu yakuinunua  haitakuwa na thamani ya hela uliyoinunulia. Unapoiendesha gari mpya kwenye barabara inapungua dhamani kwa 20% -25% na inaendelea kufanya hivyo kila siku. 

8.      Usitumie pesa kwenye mambo ya kijinga. 

Usikubali kutumia fedha zako ngumu kwenye mambo ya kijinga. Jiepushe na michezo ya kubahatisha mfano. 

-       Casino na tiketi za bahati nasibu. Kwani wachache hupata bahati ya kushinda lakini waliowengi hupoteza.

-       Uvutaji sigara . Wanaovuta sigara wanaweza kutazama pesa zao tu kwenye moshi wa sigara.

-       Huwanywaji wa pombe uliopitiliza

NJIA YA PILI: TAJIRIKA KUPITIA KUFANYA KAZI

1.      Jiongeze  kitaaluma.

 Kupitia kujiongeza kitaaluma kutakufanya kupanda kuongeza ufanisi katika ufanyaji wako wa kazi. Hivyo unaweza kuongezewa kiwango cha mshahara pamoja na kupanda cheo. 

2.      Chagua taaluma sahihi . 

Kama haujasomea kazi au unataka kujiongeza kitaaluma angalia tafiti za mishahara ambazo zinaonyesha mapato ya wastani ya kila mwaka kwa fani maalum. Vigezo  vyako vya kupata utajiri vitapungua ikiwa utasomea kazi yenye kipato kidogo. Hapa ni baadhi ya ajira zinazolipa zaidi. Kwa mfano taaluma za Udaktari, Uhandisi wa petrol na gesi, sheria, utunza fedha, siasa, Tehama n.k  wana nafasi kubwa ya kuwapata fedha nyingi, wanaweza kuingiza zaidi ya Tsh 30,000,000 kwa mwaka.

3.      Chagua eneo sahihi . 

Nenda kafanye kazi sehemu/eneo zuri lenye fursa.  Kuna fursa nyingi zaidi katika miji mikubwa kuliko maeneo ya vijijini, vijijini kunaweza kuwa sehemu ya kuanzia, ukitaka kufanya kazi pamoja na biashara, nenda kafanye kazi katika miji yenye watu wengi.

4.      Tafuta kazi inayokufanya upande kila siku (uendelee) . 

Omba kazi maeneo mengi na ujishughulishe na mahojiano mengi. Unapopata kazi, ifanye kwa juhudi  ilikupata uzoefu na kupanda vyeo. Kazi ambazo hazina nafasi za kupanda hazimpi mtu motisha ya kufanya kazi na umkosesha kipato.

5.      Badilisha ajira na mwajiri . 

Mara tu upatapo uzoefu kwenye fan/kazi yako, fikiria kupata kazi mpya au majukmu mapya. Hii itakufanya kubadilisha mazingira yako kazi, unaweza kuongeza kipato chako na uzoefu wa tamaduni tofauti za ufanyaji kazi. Usiogope kufanya hivyo mara kadhaa. Ikiwa wewe ni mfanyakazi wa thamani, pia inawezekana kuwa kampuni/taasisi yako ya sasa inaweza kukupa faida (kukuongezea malipo) au faida nyingine yoyote  ikiwa wanajua unataka kuondoka.

NJIA YA TATU: KUPUNGUZA GHARAMA ZA MAISHA

1.      Jifunze kuhifadhi chakula na mahitaji mengine . 

Ukiwa na ziada ya chakula ndani itakusaidia kuweka akiba kutoka katika vipato vyako. Kuliko kila siku unanunua mahaji. Nunua jokovu hifadhi chakula kinacho baki hii ni hazina ya siku nyingine.

2.      Kupunguza bili zako ya matumizi . 

Umeme, gesi, na huduma zingine zinaweza kuathiri bajeti yako ya kila mwezi ikiwa vitatumika vibaya. Mfano taa zote ndani ya nyumba kuwashwa kwa wakati mmoja alafu baadhi ya maeneo hamna mtu, kupika chakula kingi na kulazimisha kukimaliza, kuchemsha maji ya kuoga baadala ya kufanya mazoezi kisha ukaoga maji ya kawaida nk. Kwahiyo shusha bili zako na utafakari kabla ya kulipia bili mbali mbali.

NJIA YA NNE: KUOKOA FEDHA

1.      Jilipe kwanza . 

Hii inamaanisha kabla ya kwenda kutumia mshahara wako au kipato chako weka pesa katika akiba yako, unaweza kuweka kwenye kibubu au akaunti au kwenye mtandao wa simu. Fanya hivi kila wakati unapolipwa mshahara au kupata kipato chochote na uhakikishe akiba yako inakua.

2.      Panga bajeti yako. 

Tengeneza  bajeti ya kila mwezi ambayo inhusu gharama zako zote za msingi na acha hela kidogo kando ya kustarehe/kujiburudisha/dharura. Zingatia bajeti yako ilikuokoa fedha angalau kila mwezi nah ii ni mmoja ya  jitihada  za kuwa tajiri.

3.      Punguza gharama katika usafiri na makazi . 

Hivi, ungependa kuwa na ghorofa badala ya nyumba ya kawaida ? Je ni lazima kununua usafiri badala ya kutumia usafiri wa kawaida? Kuna haja ya kujenga nyumba yako ikiwa gharama za kupanga nyumba ziko chini? Je! Unaweza kununua gari ambalo limetumika badala ya mpya na kuitumia kwa upole? Haya ni maswali ambayo unatakiwa kujiuliza ili  kuhifadhi tani ya fedha kila mwezi.

4.      Kata gharama .

 Angalia njia ambazo hutumia fedha nyingi kisha tafakari. Kwa mfano, nunua vitu siku za minada ambapo gharama zinakuwa chini. Pia nunua vitu original ili vitumike kwa muda mrefu badala ya kila siku unanunua kitu ambacho ulishawahi kukinunua.

5.      Achana  mikopo isiyokuwa na ulazima . 

Lipa bei  kamili kwa wakati ili kukwepa riba isiyo na ulazima. Kwa mfano kukopa vocha ya shilingi 600 kisha unalipa 700 ukijumlisha na riba ya shilingi 100.

Bottom of Form

MATOKEO KIDATO CHA NNE 2018

Kuangalia matokeo ya kidato cha nne mwaka 2018 bonyeza
hapa→ LINK 1   https://matokeo.necta.go.tz/csee/csee.htm
LINK 2 https://cdn.necta.go.tz/results/2018/csee/csee.htm
QT https://cdn.necta.go.tz/results/2018/qt/qt.htm

Mwezi mkubwa mwekundu kuonekana duniani

Watu kote duniani wanatarajiwa kuona kupatwa kwa mwezi utakaobadilika na kuwa mwekundu .

Wakati wa kupatwa kwa mwez,i dunia hutoa kivuli chekundu.

Kupatwa huko kwa mwezi kutaonekana kutoka kaskazini na Kusini mwa Marekani pamoja na maeneo ya magharibi mwa Ulaya ikiwemo Uingereza na kaskazini mwa Afrika

Kupatwa kwa mwezi ni nini?

Tukio hili hujiri wakati dunia inapopita katikati ya Jua na mwezi.

Katika hali hii, jua huwa nyuma ya dunia huku mwezi ukizunguka katika kivuli cha dunia.

Je mwezi mwekundu ni upi?

Je mwezi huo utakuwa mwekundu?

Ndio. Baadhi ya watangazaji huuita "super blood wolf moon".

Jina "super" linatokana na ukweli kwamba mwezi huo utakuwa karibu sana na dunia ambapo utaonekana kuwa mkubwa angani zaidi ya kawaida.

Nalo Jina "wolf" linatokana na majina yanayopewa miezi mikubwa mwezi Januari "wolf moons".

Walter freeman , naibu profesa katika chuo kikuu cha Syracuse University mjini New York state, alisema: "mwanga mdogo wa jua hutolewa na dunia na kufika katika mwezi, ukijipinda kando kando ya dunia.

Kiwango hiki cha rangi nyekundu huangazia mwezi vya kutosha kwa binadamu kuweza kuona.

Wapi na lini nitauona mnwezi huo?

Kupatwa kwa mwezi kutaanza mwendo wa 02:35 GMT siku ya Monday na kukamilika katika saa 07:49 GMT, lakini kipindi ambacho mwezi wote utakuwa mwekundu kitakuwa mwendo wa 05:12 GMT.

Nchini Uingereza mwezi utakuwa juu ya upeo wa macho katika kipindi chote cha kupatwa kwa mwezi ijapokuwa kusini mashariki mwa Uingereza, jua litaonekana kupaa huku luna hiyo ikikamilika.

Kupatwa huko kutaonekana kaskazini magharibi mwa Ufaransa, kaskani magharibi mwa Uhispania, Ureno, na eneo dogo la Afrika magharibi, karibu eneo lote la kaskazni na Amerika Kusini, mashariki mwa Pacific pamoja na kilele cha Ksakzini mashairiki mwa Urusi.

Je ni salama kuutazama?

Huku matukio ya kupatwa kwa mwezi yakitajwa kuwa hatari kutazama moja kwa moja, mwangaza wa kupatwa kwa mwezi ni mdogo hivyobasi ni salama kutazama bila kutumia vifaa vyovyote.

Je ina muhimu gani?

Tukio hilo ni la mwisho kwa watazamaji wa anga nchini Uingereza kuona kupatwa kwa mwezi kwa kipindi cha muda mrefu hadi 2029- hali ya hewa itakaporuhusu.

KUELEKEA MKUTANO WA CCM KINANA AONGEA

Kinana atoa Masharti Endapo Rais Magufuli Atamhitaji Aendelee Kuwa Katibu Mkuu wa CCM

KATIBU Mkuu wa Chama Cha Mapinduzi (CCM), Abdulrahman Kinana ametoa neno endapo Rais John Magufuli atamhitaji kuendelea na wadhifa huo, huku akibainisha kuwa amekutana na changamoto nyingi katika nafasi hiyo kiasi kwamba wakati mwingine alikata tamaa.

Mwanasiasa huyo maarufu ndani ya CCM na nchini, anatarajiwa kuhitimisha uongozi wake wiki hii wakati Mwenyekiti mpya wa CCM Taifa, Rais John Magufuli atakapokabidhiwa uenyekiti huo na kuunda Sekretarieti yake mpya ambayo haijulikani kama itaongozwa tena na Kanali huyo wa zamani wa Jeshi.

Akizungumza jana na waandishi wa habari baada ya kukagua Ukumbi wa Mkutano Maalumu wa CCM utakaofanyika keshokutwa Jumamosi, Kinana ambaye amekuwa katika nafasi hiyo kwa miaka mitatu na nusu, alisema aliombwa katika nafasi hiyo baada ya kuwa aliamua kustaafu, lakini akakumbana na changamoto mbalimbali.

CCM kuwa mbali na wananchi 

Alisema kuna wakati aliona kama vile chama kiliacha kwenda kwa wananchi na kwamba hakikuwa karibu sana nao.

“Ninyi ni mashahidi, ikabidi kubuni utaratibu mzuri wa kwenda kwa wananchi ili chama kiwe karibu na wananchi, kiwasikilize na kuwa sauti ya wananchi kifuatilie matatizo yao kisimamie utekelezaji wa Ilani ya Uchaguzi,” alisema Kinana na kuongeza kuwa katika kufanya hivyo amekuwa akiwasiliana na Rais na Waziri Mkuu kwa ajili ya matatizo kutatuliwa.

“Changamoto ya pili ya kuimarisha umoja na mshikamano ndani ya chama, hapo nyuma kulikuwa na misukosuko kidogo ya umoja na mshikamano, kushutumiana na kulaumiana,” alisema na kuongeza kuwa kazi nyingine aliyofanya ni kuimarisha umoja ndani ya chama, kushirikiana na viongozi wenzake kuhakikisha chama kinajitahidi kwa kadri ya uwezo wake kurejea katika misingi yake ya awali katika maeneo ya uadilifu, uwajibikaji na utendaji kazi kwa ufanisi.

Azuiwa ziarani

Kinana alisema amekwenda wilaya zote, majimbo, mikoa na nusu ya kata za nchi na amesafiri zaidi ya kilometa 192,000, kufanya mikutano zaidi ya 3,700 ya aina mbalimbali ya ndani na nje na haikuwa kazi rahisi

 “Changamoto nilizokutana nazo ambazo lazima nikiri ni pale nilipotaka wakati mwingine kufanya ziara kwenye maeneo fulani fulani niliambiwa ni hatarishi siwezi kwenda kwa hiyo ilibidi nibishane na viongozi na watendaji wakuu wa serikali…nikasema hapana nimeamua kwenda lazima niende,” alisema Kinana.

Katibu huyo akitoa mfano alisema kuna wakati aliamua kutoka kwa boti kutoka Nyamisati wilayani Rufiji kwenda Mafia, viongozi wa Mkoa wa Pwani walifikiri si njia salama ya kusafiri na kumpelekea ujumbe asisafiri kwa boti, bali asafiri kwa ndege, lakini alisema hapana ataondoka kwa boti.

“Walichofanya wakakaa kikao cha Kamati ya Ulinzi na Usalama ya Mkoa na wakaniandikia barua rasmi kwamba tunakushauri usisafiri kwa boti safiri kwa ndege kwa maana nyingine walikuwa wanajivua lawama kwa yatakayotokea, lakini vile vile kunitisha kidogo kwamba si salama zaidi nikawasisitiza hapana,” alieleza Kinana.

Ashitakiwa kwa JK

“Baadaye Rais mstaafu Kikwete alikuwa Msoga, viongozi wa Mkoa wa Pwani wakaenda kumwambia tumezungumza na Katibu Mkuu wako naona hasikii tumemuandikia barua ya kumuomba asisafiri na boti hasikii, Rais akaandika meseji ndefu sana…nikamjibu rais nakuheshimu mamlaka yako ni makubwa si vizuri nikakukatalia, lakini niruhusu nikukatalie kwa sababu hata wananchi wanaosafiri kwenye boti hii wanahatarisha maisha yao, ni vizuri na mimi nikahatarisha maisha yangu hata kidogo… akaniambia nimekuelewa endelea,” alibainisha.

Alisema zipo changamoto nyingi sana nyingine, kwa mfano Mbambabay kwenda Kyela, mkuu wa mkoa akamuambia boti haifai kusafiri akasema mara haiwezi kusafiri imeharibika.

“Nikazungumza na Mwakyembe akapeleka mafundi wakatengeneza, safari haikuwa rahisi, lakini changamoto zilikuwa nyingi sana, kwingine Lupingu kule ni gari moja tu ndio inayoshuka chini hakuna kupishana magari nikaambiwa nisiende nikasema nina kwenda,” alisema na kuongeza kuwa kulikuwa na ubishi mwingi wakati mwingine alionekana mtu mmoja kidogo ambaye hasikilizi ushauri sana.

Pia nyingine zinazotokana na changamoto za wananchi kutolipwa mazao yao kwa wakati, mbolea kutofika kwa wakati, halmashauri kutopata fedha za maendeleo kwa wakati, watumishi wa umma wanaohamishwa kwenda vijijini hawaendi vijijini kwenda kuwahudumia wananchi, tatizo kubwa la migogoro kati ya wakulima na wafugaji kati ya wananchi na hifadhi za taifa.

“Ndio maana mnaniona siku hizi nimenyamaza kwa sababu yale yote niliyokuwa nikiyaombea yanafanyika, umangimeza haupo watu wachape kazi wawahudumie wananchi, uadilifu unapigwa vita, rushwa inapigwa vita, uwajibikaji na uadilifu unahimizwa, utendaji kazi unatakiwa na hayo yasipofanyika mtu anaondolewa mara moja,” alifafanua Kinana ambaye kuanzia mwaka 2014 hadi mwanzoni mwa mwaka jana alitembea kote nchini akikisafisha chama chake na kuibana serikali.

Kurejea kwake CCM

“Yalitokea mazingira ambayo niliombwa na viongozi wastaafu na viongozi wa chama kuniomba niwe mtendaji mkuu wa chama chetu. Si nafasi ambayo niliipenda, bali niliitwa na nikakalishwa wakanisihi na mimi nikakubali sababu ni wito na kwa kuwa ni watu ninaowaheshimu na wana dhamana kubwa kwenye nchi yetu, nikakubali kufanya kazi hiyo,” alisema Kinana akizungumzia jinsi alivyoteuliwa kushika nafasi hiyo.

Alisema amekuwepo katika uongozi ndani ya chama kwa muda mrefu (miaka 25) ndani ya Kamati Kuu na Halmashauri Kuu ya Taifa, na alihisi ni wakati muafaka wa kung’atuka.

“Mwanasiasa mzuri ni yule anayejua wakati wa kuingia na wakati wa kutoka. Ni wakati mzuri wa kung’atuka kuachia waingie wenye umri wa kati na umri wa vijana kuachia waongoze chama na kuwaamini,”alieleza.

Alisema moja ya mambo ambayo walikubaliana wakati ule akajitahidi kukiimarisha chama, kusimamia na kumsaidia mwenyekiti kusimamia mchakato wa kuwapata wagombea kwenye nafasi zote za Urais, Ubunge na Udiwani. Pia alijitahidi kuendesha shughuli za kampeni na uchaguzi na utakamalizika.

“Uchaguzi umekwisha niruhusiwe kupumzika, na wote waliafiki na kukubali sasa muda umefika kwa hiyo nimewakumbusha yale tuliyokubaliana muda wake umefika sasa wengine wakaniuliza hivi ndivyo tulivyokubaliana nikawaambia wazee hamjawa wazee kiasi cha kusahau ndio haya tuliyokubaliana,” alieleza.

Akiombwa na JPM

Alipoulizwa kama akiombwa na Rais Magufuli aendelee kwa Katibu Mkuu, Kinana alisema, “Niseme hajasema, hatujazungumza hilo, likitokea tutaangalia, tutakaa naye kikao kama akiniomba, tutakuwa na kikao na mazungumzo muda utakapofika kama nilivyokuwa na mazungumzo na kikao kama kwa wale walioniomba mwaka 2012.”

Waliokisaliti chama

Akizungumzia walioisaliti CCM katika Uchaguzi Mkuu mwaka jana, mtendaji huyo wa CCM alisema msaliti yeyote adhabu yake ni mbaya sana, hata kwenye chama cha siasa.

“Kwenye CCM wapo watu walioyumba, kulikuwa na wimbi kubwa mwaka jana, watu waliyumba hivi kidogo wakakaa mguu upande huku hawapo na kule hawapo, wako ambao sio tu waliyumba, bali walikiuka maadili na hawakushiriki kwenye shughuli za kampeni,” alisema.

Pia alisema wapo ambao hawakushiriki, hawakusaidia na wakasaidia upinzani na kila mtu atakuwa na adhabu yake kulingana na makosa yake.

“Kama mmekuwa mkifuatilia kuna waliochukuliwa hatua ngazi za wilaya na mikoa. Kwa mfano, Shinyanga 123 walichukuliwa hatua. Wapo wanaotakiwa kuchukuliwa hatua kwenye ngazi za juu, sasa jambo moja mtu yeyote kabla ya kuchukuliwa hatua lazima aelezwe mashtaka yake, apewe fursa ya kusikilizwa, kwa hiyo hawa wote watasomewa mashtaka, watasikiliza na kupewa adhabu kwa kadri itakavyostahili, lakini hatua zitachukuliwa mara baada ya Mkutano Mkuu kumalizika,”alieleza.

LOWASA ANENA YA ROHONI

Lowassa Ataka Mbowe alindwe kama nyuki wanavyomlinda malkia wao

ALIYEKUWA mgombea urais kupitia mwamvuli wa Umoja wa Katiba ya Wananchi (Ukawa), Edward Lowassa amewataka vijana wa Chama cha Demokrasia na Maendeleo (Chadema) kumlinda Mwenyekiti wa chama hicho, Freeman Mbowe kama nyuki wanavyomlinda malkia wao.

Lowassa ambaye pia ni Mjumbe wa Kamati Kuu ya Chadema, alitoa kauli hiyo wakati akifungua kikao cha Kamati ya Utendaji ya Baraza la Vijana (Bavicha) jijini Dar es Salaam jana.

Waziri mkuu huyo wa zamani, pamoja na mambo mengine aliwataka vijana wa chama hicho kuacha vita vya ndani kwa ndani na badala yake washikamane na kuwang’ang’ania viongozi wanaowaongoza.

“Tuache vita vya ndani kwa ndani, Mbowe ndiye mwenyekiti wetu wa chama…tumlinde kama nyuki wanavyomlinda malkia wao. Mtu akishakuwa kiongozi tumg’ang’anie,”alisema Lowassa.

Lowassa ambaye alijiunga na upinzani mwishoni mwa mwaka jana alisema kumekuwapo na kawaida ya kuibuka kwa makundi uchaguzi unapomalizika.

Azungumzia uchumi

Katika mkutano huo, Lowassa pia alizungumzia uchumi ambapo alisema hivi sasa maisha ya Watanzania walio wengi hayana uhakika, huku matumaini kidogo yakielekezwa kwa watu wachache.

“Binadamu anaishi kwa matumaini, lakini mambo yanayoendelea hapa nchini hayatoi matumaini hayo…hali ya uchumi inakwenda vibaya sana, kuna rafiki yangu mmoja ana msamiati wake anasema maisha ni pasua kichwa hivi sasa kwa sababu hayana uhakika,” alisema Lowassa.

Aidha Lowassa alieleza kusikitishwa kwake kwa baadhi ya watu kuacha kuzikana kwa sababu ya siasa ambapo alisema hayo ni mambo ya ovyo.

Ajivunia vijana

Katika hotuba yake hiyo, Lowassa aliwapongeza Bavicha kwa kutii maelekezo ya Mbowe kuhusu kusitisha uamuzi wao wa kwenda Dodoma kuzuia Mkutano Mkuu wa Chama Cha Mapinduzi (CCM).

“Niwapongeze kwa kutii maelekezo ya mwenyekiti wetu, najua haikuwa rahisi, mlikuwa mmeshajipanga lakini maelekezo ya mwenyekiti ni mazuri, vitu vingine si lazima uende mbali sana ni kama kwenye simu kwamba ‘message sent’ mlifikisha ujumbe mahsusi hata kama hawakubaliani lakini ujumbe umefika.

“Wala msione aibu mnachofanya, vijana mngefanya tofauti ningeshangaa, nyie ndio chachu ya mabadiliko lazima mje na kitu kipya na mawazo mapya, ninyi ni jeshi la chama.

“Kwa uzoefu wangu CCM lazima watakwenda kumtambulisha mwenyekiti wao mpya katika Uwanja wa  Jamhuri mjini Dodoma, hivyo wananchi wenyewe wataangalia na kupima kama Chadema wanazuiwa kwa nini wapinzani wazuiwe, waachane wapate tabu kujieleza kwa umma” alisema Lowassa huku akishangiliwa.

Kuhusu uteuzi uliofanywa na Rais John Magufuli hivi karibuni, Lowassa aliuponda na kusema ni wa kibaguzi kwa sababu umewatenga vijana wa vyama vya upinzani.

“Kama wewe ni CCM utakuwa mkuu wa wilaya, mkoa na hata mkurugenzi wa halmashauri lakini hali ni tofauti kwa vijana wa upinzani, wanabaguliwa utadhani si Watanzania.

“Hili ni jambo la kutafakari na kukemea kwa sabu ajira ni tatizo hapa nchini, lakini hata hizo chache zinatoka kwa kubaguana pamoja na jitihada zote lakini hazisaidii,”alisema.

MAKAMU MWENYEKITI WA CHAMA CHA NCCR MAGEUZI ATIMULIWA

Thursday, July 21, 2016

NCCR wamtimua makamu Mwenyekiti wa Chama

Chama cha NCCR – Mageuzi kimemvua uanachama makamu mwenyekiti wake (Bara), Leticia Ghati (pichani) kikimtuhumu kujihusisha na migogoro ndani ya chama na tuhuma nyingine za kijinai. 

Mwenyekiti wa chama hicho, James Mbatia aliwaeleza waandishi wa habari jana kuwa uamuzi huo umepitishwa na Halmashauri Kuu ya Taifa ya chama hicho. 

Mbunge huyo wa Vunjo na mwenyekiti mwenza wa Ukawa, alisema makosa mengine aliyokutwa nayo Ghati ni pamoja na kukashifu na kutoa tuhuma dhidi ya kiongozi wa chama nje ya utaratibu na kuhujumu chama wakati wa uchaguzi. 

“Kwa makosa hayo ambayo Leticia Ghati aliyatenda wakati wa Uchaguzi Mkuu wa 2015 Halmashauri Kuu ya Taifa, inamsimamisha uongozi na kumvua uanachama,” alisema Mbatia. 

Mustakabali wa chama 
Akizungumzia mustakabali wa chama hicho katika Ukawa, Mbatia alisema Halmashauri Kuu ya chama hicho itaendelea kusimama imara kuhakikisha umoja huo unakuwa bora na taifa linapata Katiba kama yalivyokuwa malengo ya kuanzishwa kwake. 

“NCCR tutahakikisha Ukawa unaboreka na kusimama imara kwa ajili ya kupata Katiba, tumeazimia kuunga mkono jitihada za kuunganisha vyama vinavyounda umoja huu ili kufikia lengo la kuwa na chama kimoja cha siasa chenye nguvu,” alisema Mbatia. 

Mbatia pia alizungumzia hali ya kisiasa na kidemokrasia nchini na kusema chama chake kimebaini kuwa taifa linaongozwa kwa matamko ya Rais John Magufuli badala ya kufuata Katiba, sheria na kanuni.

Alisema demokrasia imeendelea kukiukwa huku uhuru wa kujieleza ukiendelea kudidimizwa na akatolea mfano mwenendo wa Bunge ambao alisema licha ya kuwa chombo cha kikatiba chenye mamlaka kamili ya kujiendesha, limeanza kuingiliwa katika uendeshaji wake kwa wabunge kunyimwa fursa ya kujadili kwa uwazi masuala ya Watanzania. 

Alisema NCCR inakemea matu- mizi ya nguvu za dola kupitia Jeshi la Polisi kuzuia mikutano ya hadhara ya vyama vya siasa, kuwakamata na kuwaweka rumande viongozi wa kisiasa na kuwashtaki kwa makosa mbalimbali. 

“NCCR Mageuzi tunalaani tabia ya polisi kuwakamata na kuwahoji mara kwa mara viongozi wa kisiasa na kuwashtaki kwa makosa mbalimbali… vitendo hivi ni ukiukaji wa uhuru na haki za vyama vya siasa katika kufanya kazi zao,” alisema Mbatia.

gharama ya tcu na namna ya kulipia 2016

How to Apply
Applications shall be done through Internet. Applicants should not submit their applications to TCU by e-mail, fax, or deliver them in person. NB: Applicants should ensure that they have paid the application fee through prescribed procedures before starting application.
7.1. Payment Details
7.1.1. How to pay via MaxMalipo agents (Only those applying using Form Six qualifications and should pay to TCU):
Steps
1. Visit the nearest Maxmalipo agent with your Tshs 50,000/-
2. The agent will take your cash and request for your mobile phone number.
3. The agent will process your payment and issue you a receipt that contains a voucher number.
4. You will shortly receive an SMS as well as a voucher number.
 Use the voucher number as payment ID for registration to apply on TCU Central Admission System (CAS).
7.1.2. How to pay via M-Pesa
Steps
1. Dial *150*00#
2. Select option # 4: Pay via M-PESA
3. Select option #4: Enter Business number: 240077
Undergraduate Admission Guidebook for Higher Education Institutions in Tanzania for Applicants with Form
Six and RPL Qualifications 2016/2017
8
4. Enter payment reference number: 123456
5. Enter Amount: 50,000/-
6. Enter your PIN
7. Enter 1 to confirm
 You will receive an M-PESA notification SMS confirming your transaction.
 You will then receive another SMS from TCU with voucher Number that you can use as Payment ID on the Central Admission System (CAS) for registration
7.1.3. How to pay via Tigo_Pesa
Steps
1. Dial *150*01#
2. Select option # 4: PayBill
3. Select option #2 to enter the Business number
4. Enter the Business number:240077
5. Enter reference of payment: 123456
6. Enter amount: Tshs 50,000/-
7. Enter your PIN
 You will receive a Tigopesa notification SMS confirming your transaction.
 You will then receive another SMS from TCU with voucher number that you can use as Payment ID on the Central Admission System (CAS) for registration

tcu online registration 2016

http://cas.tcu.go.tz/users/selfregister/1

samwel sita amehamishwa nyumba ya serikali

ALIYEKUWA Spika wa Bunge la tisa, Samuel Sitta, ameondolewa kwenye nyumba aliyokuwa akiishi baada ya Serikali kugoma kumlipia kodi ya pango.

Kwa mujibu wa gazeti la Mtanzania, mwanasiasa huyo mashuhuri, aliondolewa katika nyumba hiyo iliyopo Masaki, Dar es Salaam na kulazimika kuanza kuhamisha vyombo vyake tangu Ijumaa ya Julai 8, mwaka huu.

Kwa muda wote tangu akiwa Spika wa Bunge, Serikali ilikuwa inalipa kiasi cha dola 8,000 ambazo ni sawa na zaidi ya Sh milioni 12 kwa ajili ya nyumba hiyo.

Sitta ambaye baadaye alikuwa waziri katika Wizara ya Afrika Mashariki pamoja na Uchukuzi, aliendelea kuishi katika nyumba hiyo kwa nafasi yake.

Kwa mujibu wa kijana aliyekuwa nyumbani hapo, alisema walianza kuhama tangu mwishoni mwa wiki iliyopita na wanaendelea kuhama kwa kuhamisha vitu kidogo kidogo.

“Ni kweli mzee amehama hapa, tangu Ijumaa tulikuwa tunahamisha vyombo taratibu na sijui kama Serikali imegoma kulipa kodi ama la, ila sasa amehamia jirani tu hapo Mtaa wa Manzese, hapa hapa Masaki.

“Nasikia nyumba imepata mpangaji mpya ndiyo maana wanahama,”alisema.

Alipotafutwa Mkuu wa Kitengo cha Habari, Elimu na Mawasiliano wa Bunge, Owen Mwandumbya, ili kuzungumzia hilo, alimtaka mwandishi kuwatafuta Ofisi ya Rais Menejimenti ya Utumishi wa Umma na Wizara ya Fedha.

Alipotakiwa kutoa ufafanuzi wa utaratibu wa malipo kwa maspika wastaafu, ikiwa ni pamoja na matunzo na nyumba wanazoishi, Owen alisema Bunge halihusiki na stahiki zozote za wastaafu kwa mujibu wa sheria.

“Watafute Utumishi na Wizara ya Fedha, wao ndio wahusika, Ofisi ya Bunge haihusiki na stahiki zozote za wastaafu kwa mujibu wa sheria, isipokuwa Utumishi na Wizara ya Fedha ndio wahusika,” alisema.

Alipotafutwa Waziri wa Nchi, Ofisi ya Rais, Utumishi wa Umma na Utawala Bora, Angellah Kairuki, alisema hana taarifa hizo za kuondolewa kwa Sitta hivyo atafuatilia.

Hata hivyo, alipotafutwa tena kupitia simu yake ya kiganjani, Kairuki alimtaka mwandishi kuwatafuta Hazina, kwamba ndio wanaoweza kulisemea jambo hilo.

“Naomba uwatafute Hazina wakupe ufafanuzi, halafu baadaye urudi kwangu,” alisema Kairuki.

Alipotafutwa Waziri wa Fedha na Mipango, Dk. Philip Mpango kupitia simu yake ya kiganjani, ili kupata ufafanuzi wa suala hilo, alisema:“Ufafanuzi kuhusu malipo kwa viongozi wastaafu unatolewa kwa viongozi husika na si kwa vyombo vya habari.”

Hali hiyo ya Sitta, imekuwa ni tofauti na aliyekuwa Spika wa Bunge la 10, Anne Makinda, ambaye Serikali kupitia Bunge iligharimia matengenezo ya nyumba yake iliyoko Kijitonyama, Dar es Salaam, ambako ujenzi wake ulikumbana na lawama kali za wananchi wanaoishi jirani na eneo hilo.

Spika Makinda alilaumiwa na majirani zake kwa kusababisha usumbufu baada ya kuziba njia inayopita katika eneo hilo kwenda maeneo ya Sinza.

Kwa mujibu wa Margaret Sitta ambaye ni mke wa Samweli Sitta na  Mbunge wa Urambo, alisema kuwa walikuwa wakiishi kwenye nyumba hiyo ya Serikali kwa kuwa mumewe alikuwa Waziri wa Uchukuzi, lakini Baraza la Mawazili lilivunjwa tangu mwaka jana hivyo walipaswa kuhama.

Chanzo: Mtanzania